09.10.2018

Fizika fənni üzrə elmi-metodiki seminar keçirilib

Oktyabrın 9-da Abşeron Rayon Təhsil Şöbəsində fizika fənni üzrə elmi-metodiki seminar keçirilib. Seminarda Təhsil İnstitutunun və təhsil şöbəsinin əməkdaşları, rayon ümumtəhsil məktəblərinin fizika fənni üzrə metodbirləşmə rəhbərləri iştirak ediblər.

Təhsil şöbəsinin fizika fənni üzrə metodisti Fəxriyyə Hüseynova çıxış edərək fizika fənninin tədrisi zamanı qarşıya çıxan problemlər, tədris keyfiyyətinin yaxşılaşdırılması istiqamətində görülən işlər, şagirdlərin olimpiadaya hazırlıq səviyyəsi haqqında danışıb.

Daha sonra Azərbaycan Respublikası Təhsil İnstitutunun Kurikulum Mərkəzinin əməkdaşı, “Müəllim üçün metodik vəsait”in həmmüəllifi Əlişah Gərayev şagirdlərin fizika fənninə marağın artırılması, praktikyönümlü tapşırıqların tədbiqi, qiymətləndirmə haqqında ətraflı məlumat verib.

Seminar  qarşılıqlı müzakirə əsasında davam edib, müəllimləri maraqlandran suallar cavablandırılıb.


Açar sözlər: ,  ,